5 اعتقادات خاطئه تمنع نمو الشعر اتجنبيها

اغلبنا ديما بيسعي بكل جهده انه يحسن من شعره ومفيش شك ان الجميع عايز شعر صحي وطويل

ولامع وكثيف وفي كتير جدا من المدونات علي النت والناصيح والوصفات المهوله بشكل غير معدود ال بنلاقيها كتير قصادنا او بنسمعها من اللي حوالينا علشان كدا الكل بيجري ورا اي نصايح وخلطات او وصفات متأملين فيها انها تبقي المنقذ للشعر او تجيب نتائج خرافيه وسحريه لما نجربها ولكن دا اكبر سبب خلانا بنمشي ورا خرافات تخلينا نصدق اي كلام ونردده بدون منتاكد اذا كان الكلام حقيقي ولا لا او اذا كان بيضر الشعر او هو اصلا السبب الاكبر في ضرر واذي او تلف الشعرعلشان كده هنعرضلك خمس اعتقادات خاطئه كتير مننا سمعها وصدقها وجه الوقت علشان نفهم الصح

اول اعتقاد / ان قص الشعر بيذيد من طوله :

ودا اعتقاد خاطئ تمام لان عند قص الشعر فقط بتتخلصي من الجذور التالفه والمتقصفه في الشعر ودا مالوش علاقه ان دا بيذود طول الشعر لان الشعر بيطول من الجذور مش من الاطراف , والشعر بيطول بمقدار 1سم في الشهر , ايضا عكس الخرافه السايده بان حلق الشعر بيذود كثافة الشعر دا اعتقاد خاطئ جدا ودا لان عدد بصيلات الشعر حاجه وراثيه , ودا بياثر علي نمو الشعر .

الاعتقاد التاني الشعر بيتعود علي الشامبو :

دي اكتر معلومه مغلوطه منتشره وملهاش اي اساس من الصحه , ودا لان الشعر زيه زي الاظافر بيتكون من انسجه ميته ولا يستطيع ادمان شئ او الاعتياد عليه , ودا معناه انك لو غسلتي شعرك بنفس الشامبو لمده طويله فدا مش هيمنعه انه يتسخ بشكل اسرع , او ينمو بشكل ابطأ ,

الاعتقاد التالت : يجب وضع الشامبو وبلسم الشعر علي الشعر كله

بنسمع المعلومه دي كتيير جدا حوالينا بس دي معلومه غلط نتجت عن الفهم الغلط للمنتجات دي ووظايفها

الصح ان الشامبو بيتحط علي فروه الراس هو مخصص لتنظيف فروه الراس والرغوه الباقيه من الشامبو هتساعد علي تنظيف باقي الشعر ,اما بلنسبه للبلسم فلعكس هو الصحيح مبنفعش نحطه علي الجذور ولازم تحط علي الشعر نفسه لان جذور الشعر دهنيه بطبيعة الحال ولا حاجه ليها بالترطيب اما نهايات الشعر فهي تحتاج الي الترطيب المستمر .

الاعتقاد الرابع : قشره الراس معديه

الاعتقاد طبعا غلط لان ال بيعانو من قشره الشعر فدا بيطبييعة الحال بسبب ان فروه الراس الخاصه بيهم دهنيه وبتتكون ذوايد جلديه ودا بيخليها تتقشر وتاثر علي الشعر وبتمنعه من النمو ,وبكدا دا مبيخليش حد يتعدي من حد بسبب استخدام حاجه خاصه بلشخص المصاب او حتي استخدام نفس المشط ,والاسباب الكامله لقشره الشعر غير واضحه بشكل كامل فممكن تكون وراثيه اوهرمونيه , علشان كدا لازم تهتمي بلنظافه الشخصيه .

الاعتقاد الخاامس : كثره التمشيط تؤدي الي ذياده نمو الشعر

هذا المعتقد خاطئ التمشيط الكتير فعلا بيادي الي ذياده الدوره الدمويه بالفروه , وتصفيف الشعر , لكن كثره التمشيط بتضعف الشعر وبتخليه يتكسر , علشان كدا لازم الاعتدال وعدم الاكثار , ولاازم يكون المشط خشب والاسنان واسعه

وممكن تسبب التهابات في فروه الراس وخصوصا لو كانت الاسنان الخاصه بالمشط حاده او لو اول استعمال للمشط ,وعدد تمشيط الشعر باعتدال هو مره في اليوم او مرتان علي الاكثر والابتعاد عن المشط البلاستيك او اي انواع اخري علشان بتتفاعل مع الشعر وبتضره جدا .

Add a Comment

لن يتم نشر عنوان بريدك الإلكتروني. الحقول الإلزامية مشار إليها بـ *