احمي شعرك من التساقط – خاصه المحجبات

المحجبات بيواجهو مشاكل كتيير في الشعر بسبب الحجاب او الاستعمال الخاطئ للحجاب ودا بسبب كتم الشعر لمده طويله بدون التهويه او ان الشعر يتنفس بشكل طبيعي , وخصوصا البنات اللي بيلبسو الحجاب بشكل متكرر بدون غسيل دا بيسبب مشاكل كتيير جدا , في مفاهيم خاطئه كتيير بتقول ان الحجاب بيوقع الشعر او بياثر علي الشعر الكلام دا غير صحيح تماما ولكن في اسباب للمحاجبات بتؤدي الي التساقط زي :

عدم تهويه الشعر الي فتره طويله بيؤدي الي وجود قشور في فروه الراس ودا بيسبب تساقط الشعر ,

واوقات كمان بيكون طبقه عازله في الفروه بتسبب حبوب وفي بعض الاحيان بيتكون بكتيريا وفطريات في فروة الراس

او انك تلبسي الحجاب علي شعر مبلول دا بياثر كتير علي الشعر وبيسبب فطريات وكمكمه للشعر ,

او ان الحجاب ميكونش قطن و البندانه ال تحت الحجاب لازم تكون قطن علشان متضرش الشعر ,

 واتاكدي انك متلفيش الحجاب بشكل جامد او قاسي علي الشعر علشان ميضعفش الشعرايه ,

 وعدم التتغيرفي تسريحه الشعر باستمرار لانك لو استمريني علي تسريحه معينه دا بيتسبب في تراجع الشعر وتخفيف الشعر فيه ’

 ارتداء  الحجاب فترات طوويله وانك تلبسيه علي طوول شعرك مبييقدرش يتنفس

استخدام  اكتر من طبقه للحجاب لان دا بيضر الشعر جدا

احرصي انك متلبسهوش لفتره طويله علشان الشعر ميعرقش ويعمل بكتيريا وطبقات قشر

 ورغم ان للاستعمال الخطاء للحجاب له اضرار كتير الا ان الحجاب له بعض الفوايد للشعر زي

انه بيحمي الشعر من اشعة الشمس الضاره واللي بتاذي الشعر جدا وتخليه يفقد بريقه ويبقي بهتنان

وبرضو بيحمي الشعر من الاتربه الضاره اللي بتوسخ الشعر باستمرار

كمان بيحميه من البكتريا ال بتبقي موجوده في الهواه واللي ممكن تضر فروه الراس

وقبل منقولك علي العلاج الخاص بالتساقط لازم الاول تتاكد من سبب التساقط واللي هيكون ليه تاثير

كبير ومساعد في العلاج والتساقط له اسباب كتير منها مرضي او عدم اهتمام بالغذاء المناسب والكافي اللي بيمد

الجسم بالفيتامينات والبروتينات اللي الجسم محتاجها , وعلشان تعرفي سبب التساقط بلظبط في تحاليل معينه لازم

تتعمل قبل متبدئي في العلاج هنقولك عليها :

1_ تحليل فيتامين د

2_ تحليل زنك ( فقط للي بتستخدم فيتامينات علي المدي الطويل

3_ فحص هرمونات الغده الدرقيه

4_صوره كامله للدم لمعرفة نسبة الهيموجلبين

5_ تحليل ب12

6_ التاكد من عدم وجود تكيسات علي المبايض

ودا لان ممكن كتير يكون بيهتم بشعره وبياخد فيتامينات كتيير ولكن بدون ادني فائده والسبب الاساسي

يرجع الي ان العامل مرضي او وراثي فلاازم نتاكد من التحاليل دي وان النسب طبيعيه فيهم

علاج تساقط الشعر وخاصه للمحجبات :

= عدم تغطيه الشعر الي فتره طويله

= الحرص علي تغيير تسريحة الشعر , وتهوية الشعر من وقت الي الاخر بالاضافه الي غسل الحجاب باستمرار

= استعمال انواع القطن من الحجاب وعدم لف الشعر وهو مبلول

= استخدام وصفات طبيعيه وعمل الكثير من الماسكات وحمامات الكريم وحمامات الزيت

= عمل حمام زيت مرتان بالاسبوع علي ان تكون زيوت طبيعيه

= استعمال اي منتج يكون طبيعي ومن مصدر معروف حتي لا يتسبب في اذي الشعر

= عدم استعمال صبغات الشعر الكيماوي فهي ضاره جدا للشعر

= عدم الاكثار في استخدام المكواه والسشوار للشعر لعدم تعرضه للحراره العاليه

= تدليك فروه الراس باي زيت طبيعي مده خمس دقائق , والمداومه علي التدليك كروتين يومي للشعر

فهو يذود من تدفق الدوره الدمويه لفروة الراس .

Add a Comment

لن يتم نشر عنوان بريدك الإلكتروني. الحقول الإلزامية مشار إليها بـ *